يا صابرين

يا صابرين الله يعين الله ياطـول السنيـن

عمري وعمرك وقتها وحده سنـه وأربع سنين

يوم العرب قالوا رحيل كلٍ على زمله يشيل

يا مصعب الدرب الطويل هل تذكرين هل تذكرين

هل تذكرين السانيه كنتي بصوره ثانيه

عفوا ً تراها فانيه دنياً بها القاسي يليـن

هل تذكري ذاك المكان فيه الشقا فيه الأمان

الله يا ذاك الزمان نبني حجر وبيوت طين

نكتب سطر نمحي سطر برد ومطر ما من خطر

ما حلاك يا ذكرى القطين وحده سنه وأربع سنين

طفله وأنا طفل صغير نلعب على جال الغديـر

جيتي وقلتي ما يصير نبقى وحدنا جالسين

كنّا نجي كنّا نـروح كنّا نعيـش بطيب روح

ومن الأمل نبني صروح لا حسد لا بغضٍ دفيـن