Дөрвөн Цагийн Тал

Янагийн сайхан харц шиг

Яргуй нүдлэн мишээсэн

Ханшийн ногоо нярайлсан

Хаврын тал минь нялхарна

Уртын сайхан дуу шиг

Ухаан санааг саруулсгаж

Зуун бээрээр дуниартсан

Зуны тал минь униартна

Нарны сайхан цацрагаа

Найман зүгтээ туяаруулж

Намирсан тариа шаагуулсан

Намрын тал минь шаргалтна

Цагаан цайлган сэтгэл шиг

Цасан цайдам алсална

Өөрийн илчээр цантуулсан

Өвлийн тал минь цавцайна