អនុស្សាវរីយ៍ស្ទឹងកំព្រា

រាត្រីស្ងាត់

ខ្យល់ផាយផាត់ តាមដងស្ទឹង កំព្រា

ស្ទឹងដែលថ្លាឆ្វង់ ឆ្លុះភក្ត្រា

ឥឡូវក្លាយជា ល្អក់ខ្មៅ

ស្នេហ៍ ព្រាត់ហើយ

ស្ទឹងបានឆ្លើយ ប្រាប់ចិត្តសោកហ្មងសៅ

អនុស្សាវរីយ៍ ដែលបានដៅ

ឋិតក្នុងជម្រៅ ទ្រូងរៀម

ដូចចុងកាំបិត ចិតទ្រូងឯង

អស់ពាក្យអ្វីថ្លែង នៅស្ងាត់ស្ងៀម

សំងំឱបតែ ក្តីទុក្ខគ្រាំក្រៀម

អស់ហើយសេចក្តី សង្ឃឹម

ស្ទឹងកំព្រា

យើងបែកគ្នា ស្ទឹងក៏លែងញញឹម

ផ្ទៃមេឃចុះអ័ព្ទ ភ្លៀងរលឹម

ជាក្តីសង្ឃឹម ឥតន័យ

ដូចចុងកាំបិត ចិតទ្រូងឯង

អស់ពាក្យអ្វីថ្លែង នៅស្ងាត់ស្ងៀម

សំងំឱបតែ ក្តីទុក្ខគ្រាំក្រៀម

អស់ហើយសេចក្តី សង្ឃឹម

ស្ទឹងកំព្រា

យើងបែកគ្នា ស្ទឹងក៏លែងញញឹម

ផ្ទៃមេឃចុះអ័ព្ទ ភ្លៀងរលឹម

ជាក្តីសង្ឃឹម ឥតន័យ