Petra Zo Bet

P’ra zo bet ha p’ra meump graet ‘vit ma ‘afe tout an traoù da get ?

Kloastret en hon dallentez,

Peurlaosket meump gouloù an deiz.

Koue’et eo an delioù diwar ar rozennoù gweñvet.

‘Blam’ da b’ra ‘maomp n’em roet holl da gousket ?

P’ra zo bet ha c’hoarve’et ‘vit ma kollfemp ken buan an hent ?

Sac’het en hon emgarantez

dilezet meump an ene a vage hom c’hreiz.

Kou’et eo an delioù diwar ar rozennoù gweñvet.

‘Blam’ da b’ra ‘maomp n’em roet holl da gousket ?

Ha dont ‘refomp ‘benn erfin da zigeriñ hon daoulagad

‘raok ma vo erruet re deñval ha koumoulek an oabl ?