អកបឹងកន្សែង

ជ្រងជ្រោះសែនជ្រៅ ទឹកនៅស្ងៀមនឹង ដងព្រៃស្ងាត់ឈឹង ដាក់នាមហៅបឹងកន្សែង សារាយ ព្រលឹតកៀកកើយប្រឡែង ថ្ងៃចរចាំងសូរ្យសែង ឱះឱ! កន្លែងកម្សាន្ត ថ្ងៃត្រង់រៃយំ សណ្តំដួងចិត្ត ឃើញផ្កាព្រលឹត ស្រពោនក្រៀមស្វិត ឱបប្រាណ អកទួញ សាសព្ទទំនួញខកខាន រំឮកខ្ញុំឱ្យឃ្លាន នឹកដល់មេរៀន ស្នេហា ខ្ញុំឆ្លុះ ភ័ក្ត្រា ទឹកថ្លាដូចពេជ្រ ភ្នែកខ្ញុំប្រឹងធ្មេច បំភ្លេចចិន្តា ជំនោរ បឹងកន្សែង ខ្សឹបថ្លែងប្រាប់ថា កំពង់ថ្មដា គង្គាលិចហើយ សល់តែកន្សែង ប្រឡែងមាត់បឹង អកយំទន្ទឹង ស្រែកហៅព្រលឹង ឱ្យឆ្លើយ គក់ទ្រូង អង្រន់បេះដូងឱ្យស្បើយ សែនស្រណោះកាត់ត្រើយ ស្នេហាខ្ញុំអើយ! ទៅណា ខ្ញុំឆ្លុះ ភ័ក្ត្រា ទឹកថ្លាដូចពេជ្រ ភ្នែកខ្ញុំប្រឹងធ្មេច បំភ្លេចចិន្តា ជំនោរ បឹងកន្សែង ខ្សឹបថ្លែងប្រាប់ថា កំពង់ថ្មដា គង្គាលិចហើយ សល់តែកន្សែង ប្រឡែងមាត់បឹង អកយំទន្ទឹង ស្រែកហៅព្រលឹង ឱ្យឆ្លើយ គក់ទ្រូង អង្រន់បេះដូងឱ្យស្បើយ សែនស្រណោះកាត់ត្រើយ ស្នេហាខ្ញុំអើយ! ទៅណា