كثرة معاذيره

الليل والود والشوق ومساييره

تبحث خفا البال والشاعر وقيفانه

والي فنا من عنا الوقت وعواثيره

تحييه الافكار لين يفل ديوانه

والي منول غلاه يزود عن غيره

كثرة معاذيره الي مالها خانه

وابعد به الوقت وقفت به مقاديره

وامست دموع القصيد تهل من شانه

واقفيت بين الرجا والياس والحيره

حيرة هوا الشوق والخاطر وحرمانه

عساه يحفظ غلاه وكثر تقديره

الا ليا صك عن مغليه بيبانه

ماني بتابع هوا الي بان تقصيره

حتى ولو بيننا تقدير وامٌيانه

ماهوب بمقنعني بعذره وتبريره

ويموت ماجيه ولا ادور احسانه

واقول خيره ولو مدري وش الخيره

الغيب علمه لرب الكون سبحانه

لكن قلب الرجل يكتب تقاريره

عن ماتشوف العيون وينطق لسانه