حفله فراق - مانع القناص

عمرك سمعت بيوم عن حفله فراق ادري ولا يمكن تمر بخيالك

ماهي ترى فكره جديدة للاشواق لكنها توضيح جرح بوصالك

شي يطاق وشي لايمكن يطاق ماتملك احساس القلوب بدلالك

وربك هواك معذبي كان سراق مااملك خذاه وجيت كلي حلالك

انت الغريب بيوم تكره وتشتاق وانا مكاني صار قلبك لحالك

دمعك يطيح من الهجر تذبح احداق ودمعي يموت بصدر والصدر هالك

والله صحيح ان السهر يرفع رواق هذاك جفني لا عرضلي خيالك

حلفت لك اني على النوم مشتاق من خلقتي على السهر مثل حالك

وش فايدة بوح المشاعر للاوراق لاصرت مبعد والوصال متهالك

مادمت راحل بس ابي حفله فراق بودعك فيها وتبقي بخيالك