Texty
آشكون يتفكرنا
و يشيل عنا همومنا يصبرنا
لا حد مرة شافنا و عبرنا
لا حد غير العالي
الله عالم بينا
شوف المحاين شوف
و اللي تعدى و صار
اللعب عالمكشوف
و الغدر صار جهار
شوف البشر ڤداش طبعو عادم
شوف بنادم كيف ينكر خوه
في شرعنا المظلوم يصبح ظالم
تڨسا عليه ليام و يدوسوه
و المال آه من المال
ڤداش ذل رجال
مسكين ضعيف الحال
تسڨيه الدنيا مرار
شوف المحاين شوف
و اللي تعدى و صار
اللعب عالمكشوف
و الغدر صار جهار
شوف المحاين و الڤلوب دوانت
الطيبة راحت و المحبة وفات
حسرة على ليام فيها كانت
الرحمة هجرتنا و ما ولات
و الخير صار غريب
في زمان ڤاسي صعيب
و الحر ڤلبو يخيب
في كنينو تڤدي النار
شوف المحاين شوف
و اللي تعدى و صار
اللعب عالمكشوف
و الغدر صار جهار
هذا زمان كل اللي ڤاسي ڤلبو
واللي طريڨ الخير ماهو طريڤو
و اللي ينكر خوه مكبر ذنبو
و اللي بلاش سبب خان صديڨو
هذا زمان الشر
ما عاد تلڤا حر
كان اللي ڤلبو حجر
و طبايعو مرار
شوف المحاين شوف
و اللي تعدى و صار
اللعب عالمكشوف
و الغدر صار جهار
شوف المحاين
و أحوالنا وين صرنا
الشر فينا ساكن
بيه كبرنا والله
مات الضمير عليه ما تحيرنا
و أرياح لڤدار لعبت بينا
Written by: Walid Salhi
