ដំណឹងតក់ស្លុតពីក្នុងផ្ទៃប្រទេស

I-អេ...អើយសែនរន្ធត់​ សឹងផុតអើយ..ដង្ហើម​អើយ​..

ហាអើយ​ លោកអ្ហើយលោក​ សួតថ្លើមដូចគេដុត​អើយ

ដំណឹងអើយឱ!តក់ស្លុត​ ដំណឹងតក់ស្លុត​ រាយការណ៍​ពីផ្ទៃប្រទេស​អើយ..

ហាអេ..ចេញពីផ្ទៃប្រទេសអើយ..

II-អេ...អើយប្រពន្ធ កូនខ្ញុំអង្គការ..សម្លាប់អើយ​..

ហាអើយ លោកអ្ហើយលោក នៅបឹងឱ!..ក្រចាប់​អើយ

ទ្រូងសែនអើយឱ!..ឈឺចាប់​ ទ្រូងសែនឈឺចាប់ ជាតិនេះបងសេសសល់អ្វី

ហាអើយ បងសេសឱ!..សល់អ្វីអើយ..

III-ហាអើយ..ម៉ារ៉ានី​ ម៉ាណែតកូនមាសឪពុក​អើយ

ឱ!ណា..ជួបទុក្ខ លោកអើយលោក​ ដើមទ្រូងពុកសែនរីងរៃ​អើយ..

ជីវិតយើង​កម្សត់ក្រៃ​ គ្រប់គ្រងដោយដៃ នៃពួកឱ!..អង្គការ​អើយ

ហាអេ ឱ!ណា..អង្គការអើយ..

IV-ហា...អើយភរិយា សម្លាញ់កូនសំណព្វចិត្តអើយ

ពុកសែនអាណិត​ ដ្បិតអីជីវិតអនិច្ចា​ កូនអ្ហើយកូន​ កម្សត់​ហួសវាចាអើយ

មិនទាន់ឃើញមុខបុត្រា​ ម្ដេចកម្មឫស្យា​ ពង្រាត់អើយ..កូនទៅអើយ​

ហាអើយ​ ពង្រាត់កូនទៅអើយ..

V-ហា...អើយឆន្ទៈ​ មុតមោះ​សង្គ្រោះ​មាតុភូមិអើយ​

កម្លាំងមូលផ្ដុំ​ ​រំលំពួកចិត្តឈាមខ្មៅ​ លោកអ្ហើយលោក​ កុំឲ្យនៅសល់ទៀតអើយ

រណសិរ្ស​សាមគ្គីសង្គ្រោះ​ជាតិ​ ចិត្តស្មោះមិនឃ្លៀត​ ស្មោះជាតិឱ!ទឹកដីអើយ​

ហាអើយ​ ស្មោះជាតិឱ!ទឹកដីអើយ..