Obsi oder Nizi

Mängisch geit's Obsi und mängisch geit's Nizi

Aber d'Aare fliässt immer no dürab

Mängisch tänksch, das muess e Witz si

Himmu-Tonner, das cha's nid si

Bis am Schluss de gliich irgendwiä klappt

Mis Grosi het gwunne n'im Lotto

Mit em Todesdatum vom Otto

Jetz het si zwar mega viu Gält

Doch hockt leider elei uf dr Wält

Dr Heinz wott ufhöre qualme

Das bringt sini Lisa uf d'Palme

Sini Lunge wäre jetz gsund

Doch dr Heinz isch jetz chugelirund

Mängisch geit's Obsi und mängisch geit's Nizi

Aber d'Aare fliässt immer no dürab

Mängisch tänksch, das muess e Witz si

Himmu-Tonner, das cha's nid si

Bis am Schluss de gliich irgendwiä klappt

Dr Urs het sech so viu Müeh gmacht

D'Jolanda chunt hütt mau zum Znacht

S'git Filet vom Schwein, Rind und Chalb

Doch si isch Vegi und fröit sich nur halb

I säg der, das muesch gseh ha

Em Roland sis Bett vo'r Ikea

Chrüüzfautsch montiert, aber egau

Jetz isch's haut es Büecherregau

Mängisch geit's Obsi und mängisch geit's Nizi

Aber d'Aare fliässt immer no dürab

Mängisch tänksch, das muess e Witz si

Himmu-Tonner, das cha's nid si

Bis am Schluss de gliich irgendwiä klappt

Mal ufä, mal abä, mal links, mal rächts

Einisch louft's guet und einisch louft's schlächt

Mal ufä, mal abä, mal rächts, mal links

Einisch geit's schiäf und einisch, da glingt's

Mal ufä, mal abä, mal links, mal rächts

Egau was me macht, me machts niä aune rächt

Mängisch geit's Obsi und mängisch geit's Nizi

Aber d'Aare fliässt immer no dürab

Mängisch geit's Obsi und mängisch geit's Nizi

Aber d'Aare fliässt immer no dürab

Mängisch tänksch, das muess e Witz si

Himmu-Tonner, das cha's nid si

Bis am Schluss de gliich irgendwiä klappt

(Ju-hu-hui)