Hesch schnäu ä Minute, i mues dr öppis biichte
Du kennsch doch dini Chopfhörer, da di wisse
I ha se kaputt gmacht, ds tuet mer leid
I Tubu bi druf gstange wosi a Bode si gheit
I ha se vo dir Schwöschter gno, ha gar nid gfragt
I ha grad brucht, sie het se bi mir ider Wohnig gla
Sie het drum bi mer gwohnt, di letzte vier Mönet
Sie het e Ort brucht zum sech vo de Droge z entwöhne
Mir hei üs lehre kenne, ds scho lang mau wöue säge
Bim Güeterbahnhof uf dr Stäge isch si gläge
Ke Ton vo sech gäh, völlig wäg u vou verchlepft
Sie isch bimer iizoge, mir hei stundelang gredt
Paar Wuche speter isch de d Farb wider cho
U mir hei Games gmacht, mit zäme schlafe u so
U när isch Liebi cho, u eis füehrt zum angere
Üs so guet verstange
Los mir isch wichtig dass du weisch
Dassi immer zu dir stah, o we du mau uf öppis steisch
Sisch nid okay dass ig dis Eigetum zerstöre
Dini Schwöschter het no gseit dass sie äbe dir ghöre
Sie isch bi mir im Bad gsi, plötzlech ghör se schreie
Us Schock het sie dr Schwangerschaftstester la gheie
Du kennsch doch die Momänte wome nid so gnau weiss
Und genau denn simer d Chopfhörer abegheit
Mir hei üs lehre kenne, ds scho lang mau wöue säge
Bim Güeterbahnhof uf dr Stäge isch sie gläge
Ke Ton vo sech gäh, völlig wäg u vou verchlepft
Sie isch bimer iizoge, mir hei stunde lang gredt
Paar Wuche speter isch de d Farb wider cho u
Mir hei Games gmacht, mit zäme schlafe und so
U när isch Liebi cho und eis füehrt zum angere
Üs so guet verstange
Mängisch entgleise eim Sache im Läbe
Bim Güeterbahnhof uf dr Stäge isch sie gläge
Ke Ton vo sech gäh, völlig wäg u vou verchlepft
Sie isch bimer iizoge, so diräkt näb mir im Bett
I ihrem Gsicht isch d Farb wider cho
U mir hei Games gmacht, mir zäme schlafe und so
Und när isch d Liebi cho und eis füehrt zum angere
Itz isch si schwanger
