Udayagiri Kottayile

ഉദയഗിരിക്കോട്ടയിലെ ചിത്രലേഖേ

ഉർവശി ചമയുന്നൊരു ചന്ദ്രലേഖേ

ഉഷയെവിടേ? സഖി ഉഷയെവിടേ?

ഉഷസ്സെവിടേ-

ഉദയഗിരിക്കോട്ടയിലെ ചിത്രലേഖേ, ചിത്രലേഖേ

അനിരുദ്ധൻ വന്നുവോ? അരമനയിൽ ചെന്നുവോ?

അനുരാഗവിവശനായ് നിന്നുവോ?

ആരോരുമറിയാതെ മോഹിച്ചു നിന്നുവോ?

അസുലഭ നിർവൃതിയിൽ ആലിംഗനങ്ങളാൽ

ആപാദ ചൂഡം പൊതിഞ്ഞുവോ-അവൾ

ആപാദചൂഡം പൊതിഞ്ഞുവോ?

ആ ആ ആ

ഉദയഗിരിക്കോട്ടയിലെ ചിത്രലേഖേ, ചിത്രലേഖേ

കുളിർത്തെന്നൽ കണ്ടുവോ? കൊടിമിന്നൽ കണ്ടുവോ?

ഒളികണ്ണാൽ താരകൾ കണ്ടുവോ-ആ രംഗം

ഒളികണ്ണാൽ താരകൾ കണ്ടുവോ?

കതിരിടും ലജ്ജയുമായ് കാമസ്വരൂപനെ

കാർകൂന്തൽ കൊണ്ടു മറച്ചുവോ-അവൾ

കാർകൂന്തൽ കൊണ്ടു മറച്ചുവോ?

ആ ആ ആ

ഉദയഗിരിക്കോട്ടയിലെ ചിത്രലേഖേ

ഉർവശി ചമയുന്നൊരു ചന്ദ്രലേഖേ

ഉഷയെവിടേ? സഖി ഉഷയെവിടേ?

ഉഷസ്സെവിടേ-

ഉദയഗിരിക്കോട്ടയിലെ ചിത്രലേഖേ