ياطير

ياطير وينك ترى طالت بك الغيبة

وين إنت قلي مراسيل الهوى ماتت

يا طير مبطي غدا صيدك وتدريبه

مرسولنا شح وجروح الوفى باتت

يا شينها دمعة الرجال ومصيبة

إني بكيتك وبعدك دمعتي سالت

هونت أنا القنص عقبك كيف أبسلي به

النفس طابت بعد ما صالت وجالت

يا طير وينك ترى طالت بك الغيبة

وين إنت قلي مراسيل الهوى ماتت

يا طير مبطي غدا صيدك وتدريبه

مرسولنا شح وجروح الوفى بانت

أصبر وأصبـّر خفوقي ويش أسوي به

يا صاحبي لا تلوم النفس وإن ناحت

طيري غدا يا إبن مكتوم طول الغيبة

طيري غدا والليالي بغربته طالت

يا طير وينك ترى طالت بك الغيبة

وين إنت قلي مراسيل الهوى ماتت

يا طير مبطي غدا صيدك وتدريبه

مرسولنا شح وجروح الوفى بانت