ទឹកភ្នែកប្ដីអាវ៉ាសែ

១.អង្គុយស្ដាយក្រោយ បានប្រយោជន៍អ្វី? ខ្លួនឯងនេះចង្រៃ ព្រៃផ្សៃកំរោលបាំងមុខ ធ្វើបាបចិត្តសី

ឱ្យឈឺរីងរៃពេញបន្ទុក មិនដែលបានផ្តល់ក្តីសុខ ឱ្យនាងស្រួលចិត្តម្តងណា។

២.ខ្លួនឯងប្រមឹក ពួកម៉ាកបនភឿន ចូលដល់ផ្ទះរករឿង ច្រំធាក់ជេរស្តីឡូឡា មិនគិតត្រូវខុស ជុលជ្រួសអាង អំណាចសុរា ចោលម្សៀត ប្តីគ្មានបានការ ឱ្យនាងឈឺផ្សាគ្មានល្ហែ។

R .អាឈឹមអើយ! ម្ដេចឡើយកម្សត់ខ្លួនម្ល៉េះ!

ប្រពន្ធរត់ចេញបាត់ពីផ្ទះ មិនដឹងទៅទីណាទេ

នាងទ្រាំលែងបាន ប្តីតិរច្ឆានចរិតដូចឆ្កែ ទឹកភ្នែកប្ដីអាវ៉ាសែ ភ្ញាក់ខ្លួនដូចខ្មោចប្រាំពីរថ្ងៃ។

៣.ប្តីពាលមា្នក់នេះ ដឹងកំហុសហើយ ប្រពន្ធបងអើយ! បែរក្រោយវិលវិញរកប្ដី បងសូមសន្យាឈប់ផឹកសុរា កែខ្លួនជាថ្មី បើថ្ងៃមុខហ៊ានធ្វើបាបស្រី រន្ទះបាញ់ទាំងថ្ងៃ ឱ្យស្លាប់ទៅចុះ! ៕

ច្រៀងវគ្គ R-៣ វិញចប់