Ya Amy Alo

المحبه من طرف واحد

غصب تتلف قلب راعيها

خص يوم اتحب لك ياحد

المشاعر مايراعيها

ان بغيت اتصد وتباعد

نار شوقك زاد لاضيها

كنك ويا الهم متواعد

وضيعت نفسك مناويها

وان كتمت وع الأمل قاعد

علتك منهو يداويها

ع الصبر مالك من مساعد

قصةٍتصعب فتاويها

لو نظرتوا طرفي الساهد

بانت همومٍ مخفيها

من عنا اللي مهتني وراقد

مادرا بروحٍ معنيها

من يروض ذهني الشارد

رحلتي طالت مساريها

حد نجمه في الهوى صاعد

وحد نجمه ضايعٍ فيها

والمحبه من طرف واحد

تذبح العاشق بلاويها