Aaku Chaatu Pindhe

ఆకు చాటు పిందె తడిసే

ఆకు చాటు పిందె తడిసే

కోకమాటు పిల్ల తడిసే

ఆకు చాటు పిందె తడిసే కోకమాటు పిల్ల తడిసే

ఆకాశ గంగొచ్చింది అందాలు ముంచెత్తింది

గోదారి పొంగొచ్చింది కొంగుల్ని ముడిపెట్టింది

గూడు చాటు గువ్వ తడిసే

గుండె మాటు గుట్టు తడిసే

గూడు చాటు గువ్వ తడిసే గుండె మాటు గుట్టు తడిసే

ఆకాశ గంగొచ్చింది అందాలు ముంచెత్తింది

గోదారి పొంగొచ్చింది కొంగుల్ని ముడిపెట్టింది

ముద్దిచ్చీ ఓ చినుకు ముత్యమైపోతుంటే

చిగురాకు పాదాల సిరిమువ్వలవుతుంటే

ఓ చినుకు నిను తాకి తడి ఆరిపోతుంటే

ఓ చినుకు నిను తాకి తడి ఆరిపోతుంటే

ఓ చినుకు నీ మెడలో నగలాగ నవ్వుతుంటే

నీ మాట విని మబ్బు మెరిసే

జడి వానలే కురిసీ కురిసీ

వళ్ళు తడిసీ వెల్లీ విరిసీ

వలపు సరిగంగ తానాలు చెయ్యాలి

ఆకు చాటు పిందె తడిసే కోకమాటు పిల్ల తడిసే

ఆకాశ గంగొచ్చింది అందాలు ముంచెత్తింది

గోదారి పొంగొచ్చింది కొంగుల్ని ముడిపెట్టింది

మై మరచి ఓ మెరుపు నిన్నల్లుకుంటుంటే

ఎదలోన ఓ మెరుపు పొదరిల్లు కడుతుంటే

ఓ మెరుపు నీ చూపై ఉరిమేసి రమ్మంటే

ఓ మెరుపు నీ నవ్వై నన్నే నమిలేస్తుంటే

అహా నీ పాట విని మెరుపులోచ్చీ

అహా

నీ విరిపూలే ముడుపులిచ్చీ

చలిని పెంచీ చెలిమి పంచీ

తలలు వెచ్చంగా తడి ఆర్చుకోవాలి