صحي الاخصام بطلقه (feat. Hamo Bika)

خلصانة يا إبني جيهتي، إنت رجولة كاملة

وإنت رجولة منطقتي، المسا ليك يا حملة

صاحبي اللي ما جاش من أبويا وما جاش من أمي

ع الدغري إنت أخويا، دمك زي دمي

كيمو الديب

صحي الأخصام بطلقة، يجوا في خصومة عادي

كترت هتاخد علقة وعادي تخلص تراضي

ما تبرطمش في غيابي وتمرهم قصادي

طب سن الخوجة يا نوجا وإنزل ع الأراضي

إحذرني، أنا مخي عاطل، شارب إتنين براندي

سموني في جيهتي قاتل، قائد هنا، مش جندي

خلص، هات اللي عندك، ما تأڤورش يا هندي

فاجر، مش حملي يا إبني ولا قد اللي عندي

عقلي مش قفل زهر، ده قفل كمبيوتر

في زمان الفيس والياهو بيقولولي تويتر

الله يرحم أبوكي اللي ما شافش سكوتر

دلوقتي دخلتوا مطاعم وبتندهوا على ويتر

أنا فاكر صاحبي وفي، سابني وراح لطيرة

هنزل يابا على موقفي أقضي سنتي في الدرا

وهروح مشوار بمكنتي، هجيب كرتونة بيرة

هشرب فركة بغرقانتي على جسر البحيرة

قناص هنا ع الخريطة وقبطان المراكب

أنا بتنطط ع الحيطة وفوق الأخصام راكب

ما أزاولش حريم عبيطة، أصل أنا شاب خاطب

متصيت جوة جيهتي وعلى كل الكواكب

أنا لو كنت بعاكس كنت زاولت ياما

كانوا هيقولوا المشاكس ساب في قلبي علامة

بس أنا أكبر من كده يا صحبة الندامة

سايبكو تاكلوا عيش يا اللي ما ليكو إقامة

أيها عكروت يتنطط يتعور بموسه

جيهتي دي حي ١٣، مين زايط بفلوسه؟

أنا لما أسحب سكينتي كله يمضي خلوصه

والبت دي بت جيهتي، اللي يزاولها بدوسه

بعشق أمك يا هارتي، عليتي الحرارة

أنا منك ما أتحرمشي، إنتي اللي في الحارة

ده الشاي ما يتشربشي إلا مع السيجارة

يعني ليكي عمري يمشي، دي لقلبي الحجارة

اللي يعاكس حبيبتي هلعب بيه الكورة

الحلوة دي تبقى خطيبتي، دي توينكيز في الصورة

يكفيني بتهيب من هيبتي، غير أيها أباچورة

عارفك راجل في غيبتي وفي حضوري السنيورة

رنت عليا قالت في شباب بترغي

بيعاكسوا فيا ياما ويبصبصوا في ضهري

طب هتشوفوا إجرامي، قليتوا فيكو ع الدغري

أول ما يجوا أخصامي خدي القميص وإجري

لموا أصحابهم، جولي ساحبين الكزالك

دول جم عليك سألوني، قلت رجولة، سالك

لابسين أقنعة، واقفينلي بسحبات بتكارت

شفتك واقف بطولك، جنبك نازل أتعارك

إتنين قصاد مدينة في جيهة البت بتاعتي

ده زميلي عطاني سكينة وقالي الأخصام تعبت

وحبيبتي رمت إزازها، يا عركة إنتي سمعتي

أخصامي خلصت رصاصها، وقتي قصادنا ركعتي

والشغلة كبيرة خالص، رجعوا تاني جيهتهم

أنا قلت هنزل تارس، هضربكم في بيتكم

هتشوفوا أوسخ كوارث، قليت أنا من صيتهم

لما شافوني قالوا الفارس، ما أنا فارس دايرتهم

خلصانة يا إبني جيهتي، إنت رجولة كاملة

وإنت رجولة منطقتي، المسا ليك يا حملة

صاحبي اللي ما جاش من أبويا وما جاش من أمي

ع الدغري إنت أخويا، دمك زي دمي

حصريًا على موقع مهرجانات دوت كوم