袂見笑

想起你就落雨天

淋過雨水的甜蜜

做伙看戲的暗眠

做伙牽手佇海邊

我有你是足幸福的代誌

彼句再會囥佇心內 講袂出喙

我敢是袂見笑 我只是永遠袂曉

假仙假意越頭走 飄撇的講無要緊啦

我毋是袂見笑 因為你我才想欲予

所有人知影 我就是你的

睏袂去的每一暝

等無天光的消息

坐佇無人的海邊

孤單嘛是欠一味

風咧吹 思念的風鑽心底

有血有目屎就是無你來講話

莫笑我袂見笑 我只是永遠袂曉

假仙假意越頭走 飄撇的講無要緊啦

我就是袂見笑 因為你我才想欲予

所有人知影 我愛你一个

袂見笑的我 你敢會想我