Waqt Ki Baatein

Maana dil dara dara hai

Toota ye jara jara hai

Dil ke is bawandar ko

Thehar jaane do

Honth ye jara sile hain

Khamohi ke silsile hain

Raat thodi gehri hai

Sehar aane do

To kya hua jo toota aaj sapna ye tera

To kya hua jo aaj koi apna na mila

Kabhi toh pura hoga ye chahaton ka ghar

Kabhi toh mil hi jaayega tujhko humsafar

Tujhme na kami koi hai

Bas tera ye din bura hai

Waqt ki ye baatein hain

Ise gujar jaane do

Toh kya hua jo badla wo jo kehta tha yahi

Badal bhi jaaye duniya main rahunga bas wahi

Magar jahaan jarurat thi woh raha nahi

Saath ka toh chhodo khayal tak nahi

Jaane do jo ja chuka hai

Kaun kab kahan ruka hai

Baat ye fizool hai

Inhe bhool jaane do

Andhero mein hi rahne ke faisle kiye

Toh raushni mein aake ye man kahan lage

Hai itni baar toota yakeen apno se

Toh aitbaar kispe nazar ye phir kare

Tu muskurana chahe toh darne lagta hai

Kahin nazar teri in khushi ko na lage

Kisi pe aana chahe toh kaise aaye dil

Ye phir se tootne ke khayal se dare

Dare, dare