Petwopozisyon

Petwopozisyon

Se pa politik

Fas ak yon krim finansye, koripsyon, ou pa t atann mouvman an t ap "petroactif"

Ti lolit

M pa t ap mande petrocaribe si w te kanpe lè Koperativ

Lajenès pran petwo pozisyon

Moblizasyon petwo obligasyon

Pa di m se ranse w t ap ranse

Se pa toutan w ap ka fè n danse

Nou p ap chache kont

Sèlman n ap mande kont, Koudèkont pou l al verifye eta tout kont

Mal pou wont

Propagann pa kont, al di patwon w li anreta kounya pèp la gen mont

Nou se 10 milyon k ap viv ak 2 dola

Yo se kèk santèn ki kenbe 3 milya

Son w bann ak yon pakèt ti vòlò sal

K ap kase ponyèt ti malerèz kwabosal

Nou bouke

Wè fanm entèlijan k pou pase dwe konte devan vagabon pa kilomèt

Nou fout bouke

Wè jenn gason k ap soufri e lè l pale yo rele l ti egri si l onèt

Kòb la nan bouda w mizè a nan bouda m

Aprè w vin ak bèl machin vin file fanm pa m

Se sou non nou tout manje a prepare

Yo pa menm kite n pran sant lè l ap separe

Yo Bann 10 vèsyon

Sa k di se pa yo, lestomak glise k on w Lalo

K ap kriye k ap pran pòz rizyèz

San fè divèsyon

Si yo te envesti nan sante ak lekòl Raketè pa t ap fè n bwè pinèz

Kretyen fò n mande si Legliz pa konplis

(sonje)

Jezi te ronfle tout vòlò k te fè tanp lan tounen biznis

Delivrans n ap mande bondye toutan nan jèn nan li te bann nou li deja

Li te voye 3.8 milya dola men l tonbe anba grif djab la

Li pa ka konsa

Pou aprè yon sèl manda on prezidan Ayisyen gen kòb pase George Bush

On Peyi pòv Konsa

Pou 100 minis k ap deside pou sèlman 1000 pòch ak 10 milyon bouch

Ak Kòb ki te dwe devlope n yo fè 2 bouche

Jenès anvlope tout kote ap chèche debouche

Doktè ak Enfimyè n yo pa ka touche

Madanm pa yo lòt bò dlo y al akouche

Nou pa ka dakò

Pou se nou ki viktim epi se nou ki pou bese tèt nou lè nou wè w

Sa a se twòp atò

Depi pèp vle leve tèt, pou w ap pran pòz “monter au créneau” pou w fè moun pè w

Klas mwayèn nou te fè twòp tan bra kwaze

Enterè n ak klas popilè te toujou kwaze

Tèt nou gen cheve e je nou byen kale

Lavalas p ap pote n ale koz nou byen plante

Pandan n sou menm bato

Pou chak matlo ak goyin ak mato tout vle pran on moso planch

Ayiti pa gato

Chak grenn politisyen pa ka gon w kouto pou separe li pa tranch

Palmantè k sèvi ak vòt pou yo fè kòb

Tan pou yo sèvi enterè pèp ki te ba yo vòt

Si n kite pèp leve p ap gen fòs de lòd

Nou pa nan kòb oubyen kòd se kòb epi kòd

Nou pa nan nepotis (nepotisme)

Pou depi yo vote w ou nome w nan leta tout zanmi w ak fanmi w tou rich

Bann egoyis

Ou rele l bon prezidan se pa pou Ayiti, men paske pou ou l pa t chich

M felisite lwayote kèk atis ki sou lèy

Martelly se pou kèk atis sa Aristid te ye pou site solèy

Si n te bay pèp mwayen pou l fonksyone konsome

Zèv atizay nou, atis nou yo t ap sispann mande