Sdq Elmasha3er

صدق المشاعر تعزف أشجاني حروف

للحاكم اللي كل شعبه عضيده

سلامتك يابهجة القلب والشوف

نشاركك هم الزمان وسعيده

يالعادل اللي وقّف العالم صفوف

يالله سنينك بالعوافي حميده

يابو فهد حبك أسرنا ومعروف

لك الولا منا يجدد جديده

سلمان مامثله شبيه وموصوف

هو سيد أسياد العصور الفريدة

شيد صروح المملكة بعز وسيوف

وأمن وأمان والفعول المجيدة

جنوبنا حتى حدوده مع الجوف

حب الوطن شريان دم لوريده

لأبو فهد ندعي ونرفع كفوف

يطول عمره بالسنين المديدة