I. លួចស្រឡាញ់កូនអុីលក់ចាប់ហួយ តែរាល់ថ្ងៃក្នុងចិត្តចេះតែព្រួយ តើមិនឱ្យឆ្លេឆ្លាយ៉ាងម៉េច? បើរាល់ថ្ងៃកូនអុីសល់តែមួយ មិនដឹងត្រូវធ្វើយ៉ាងណាទើបបានជីវាមកគេងរួមខ្នើយ បើហ៊ាននៅតែរេរ៉ ខ្លាចនាងបានគេ អូយ ! ចប់បណ្ដោយ

II. ផ្លូវមុខផ្ទះនាងខ្ញុំជិះឡើងសឹក ខ្ញុំជិះតាំងពីព្រឹករហូតទៅដល់រសៀល ជិះឆ្វែលរូបនាងរាល់ថ្ងៃ ទោះបីជាត្រូវម៉ែនាងដៀល ខ្ញុំខំប្រឹងជិះចុះជិះឡើង កុងទ័រផ្ដាច់ព្រលឹង មិនហ៊ានទាំងងាក អូយ ! ខ្លាចណាស់ស៊ីដំបង មើលដៃម៉ែអូនផង តើនរណាគេហ៊ាន?

(RAP) អូយ ! កាចម្លឹងៗ តើនរណាគេហ៊ានក្បែរ ឱ ! ម៉ែអើយម៉ែ ឬគ្រាន់តែស្រឡាញ់មីអូនក៏ខុសដែរ ខ្ញុំតាមព្រោះតែចិត្តស្នេហ៍ ឬមួយក៏ចង់ឱ្យកូនចូលតាមប្រពៃណី កូនជូនតាមសំណើមាន់មួយទ្រុងគោពីរ ថែមដីមួយបង្គី តើគ្រប់ទេម៉ែអើយ… ធ្វើយ៉ាងណាទើបគ្រប់បណ្តាការ មានតែចងការម៉ែក្មេក