Кудӟыса Кадь

Тодам ук, ой, тодам, мусо чебер синъёс.

Тодам ук, ой, тодам, уйшор вераськонъёс.

Али гинэ валай вылам усем шудме,

Возьмай ук, ой, возьмай, тонэ мон гажанэ.

Уг вера нокинлы шыпыт малпанъёсме,

Пеляд мон верало шыпыт гинэ:

Кудӟыса кадь тынэсьтыд ветлӥсько,

Мон тонэ вӧзам лу, курисько.

Уг, уг оскиськы усем шудэлы,

Сюлэмме тыныд кузьмай пыраклы.

Кудӟыса кадь тынэсьтыд уй-нунал,

Пальпотӥсь мусо синъёс малпанам,

Вала тон, кияд ненег сюлэмы,

Ваче ки кутскыса мыномы.

Тодам ук, ой тодам, ӟырдыт ӟыгыртэмед,,

Тодам ук, ой, тодам, шуныт кыл верамед.

Муртэз нош вераськоз, кылэм уг поты, уг.

Мон пыраклы вӧзад, тынад гинэ мон ук.

Шорад, ой, учкыса, выльысь синмаськисько,

Огзэ гинэ али мон валасько.