Mintgaton (2023 Remastered Version)

mintgaton siemiel da steilas, tiaras e mars

mintgaton enquerel ventira ellas bars

mintgaton temel dad esser persuls e vans

mintgaton anflel memez en visiuns e plans

mintgaton engolel farbuns e sentiments

mintgaton concedel da rumper condaments

mintgaton s’imaginel da sgular sur praus

mintgaton giavischel da scappar orda claus

beinduras contel da cumiau e d’amur

enqualga saiel, plievgia fa crescher la flur

da stagiun a staziun, vinavon, anavon

mintgaton teidlel tgei che las plontas dian

mintgaton audel eo ei bragian e rian

mintgaton vi jeu ch’il vent conti mo per mei

mintgaton sedamondel sch’igl ei bien sco gl’ei

mintgaton caminel per esser caminaus

mintgaton emblidel per esser emblidaus

mintgaton scappel per buca vegnir tradius

mintgaton enquerel per buc sesentir nius

mintgaton ditgel manzegnas, pintg’e grondas

mintgaton ditgel verdads fors’inventadas

mintgaton stun eri per mirar anavos

mintgaton

beinduras contel da cumiau e dad amur ...

mintgaton giavischel d’astgar ir vinavon

mintgaton sepiardel per vegnir neunavon

mintgaton vi cuorer per buca caminar

mintgaton vi star per buca stuer regurdar