Йолдыз (Tatar Version)

Алып бир син миңа үрелеп

Ал таңның иң серле йолдызын

Я булмаса учыңа җыеп

Бүләк ит миңа ай яктысын

Нурларга төренеп төннәрдә

Синең өчен үзем балкырмын

Йолдыз бүләк итсәң әгәр дә

Түшләремә алып кадармын

Син чынлап та миңа вәгъдә ит

Хыялларымны да акларга

Йөрәгеңдә миңа гомергә

Хисләрең сүндерми сакларга

Риза түгел күңел тик азга

Булгач булсын хиснең зурысы

Зур бүләк сөю дип атала

Шул инде йолдызның нурлысы