בדיל ויעבור (צפון אפריקה)

רַחֲמָנָא אִדְכַּר לָן קְיָמֵהּ דְּאַבְרָהָם רְחִימָא, בְּדִיל וַיַּעֲבֹר

רַחֲמָנָא אִדְכַּר לָן קְיָמֵהּ דְּיִצְחָק עֲקִידָא, בְּדִיל וַיַּעֲבֹר

רַחֲמָנָא אִדְכַּר לָן קְיָמֵהּ דְּיַעֲקֹב שְׁלִימָא, בְּדִיל וַיַּעֲבֹר

רַחֲמָנָא אִדְכַּר לָן קְיָמֵהּ דְּמֹשֶׁה נְבִיאָה, בְּדִיל וַיַּעֲבֹר

רַחֲמָנָא אִדְכַּר לָן קְיָמֵהּ דְּאַהֲרֹן כַּהֲנָא, בְּדִיל וַיַּעֲבֹר

רַחֲמָנָא אִדְכַּר לָן זְכוּתֵהּ דְּיוֹסֵף צַדִּיקָא, בְּדִיל וַיַּעֲבֹר

רַחֲמָנָא אִדְכַּר לָן קְיָמֵהּ דְּדָוִד מַלְכָּא מְשִׁיחָא, בְּדִיל וַיַּעֲבֹר

רַחֲמָנָא אִדְכַּר לָן קְיָמֵהּ דְּפִינְחָס קַנָּאָה, בְּדִיל וַיַּעֲבֹר

רַחֲמָנָא אִדְכַּר לָן צְלוֹתֵהּ דִּשְׁלֹמֹה מַלְכָּא, בְּדִיל וַיַּעֲבֹר

רַחֲמָנָא אֲרֵים יְמִינָךְ וְאַצְמַח פֻּרְקָנָךְ, בְּדִיל וַיַּעֲבֹר

רַחֲמָנָא בְּכִסּוּפֵי אַפִּין אָתֵינָא לְמִקְרֵי רחמנא קַמָּךְ רַחֵם עֲלָן, בְּדִיל וַיַּעֲבֹר

רַחֲמָנָא גַּלֵּי גְבֻרְתָךְ וּפְרֹק לָן, בְּדִיל וַיַּעֲבֹר

רַחֲמָנָא דִּינָן אַפֵּיק לִנְהוֹרָא, בְּדִיל וַיַּעֲבֹר

רַחֲמָנָא דִּינָא דְחַיֵּי טָבֵי גְּזֹר עֲלָן, בְּדִיל וַיַּעֲבֹר

רַחֲמָנָא הַדְרָךְ שַׁוֵּי עֲלָן, בְּדִיל וַיַּעֲבֹר

רַחֲמָנָא וְלָא תִתְפְּרַע כְּעוֹבָדַנָא בִישִׁין מִנָּן, בְּדִיל וַיַּעֲבֹר

רַחֲמָנָא זִיוָךְ אַשְׁרֵי עֲלָן, בְּדִיל וַיַּעֲבֹר

רַחֲמָנָא זַכְוָן חַפֶּשׂ־לָן, בְּדִיל וַיַּעֲבֹר

רַחֲמָנָא חֲשׁוֹב עֲלָן טַבְוָן, בְּדִיל וַיַּעֲבֹר

רַחֲמָנָא טַבְוָן סַגִּיאָן אַיְתֵי עֲלָן, בְּדִיל וַיַּעֲבֹר

רַחֲמָנָא יִתְגַּלְגְּלוּן רַחֲמָךְ עֲלָן, בְּדִיל וַיַּעֲבֹר

בעשרת ימי תשובה מוסיפים:

רַחֲמָנָא כַּתְבִנָּן בְּסִפְרָא דְחַיֵּי, בְּדִיל וַיַּעֲבֹר

רַחֲמָנָא כַּתְבִנָּן בְּסִפְרָא דְרַחֲמֵי, בְּדִיל וַיַּעֲבֹר

רַחֲמָנָא כַּתְבִנָּן בְּסִפְרָא דְצַדִּיקֵי וַחֲסִידֵי, בְּדִיל וַיַּעֲבֹר

רַחֲמָנָא כַּתְבִנָּן בְּסִפְרָא דִישָׁרֵי וּתְמִימֵי, בְּדִיל וַיַּעֲבֹר

רַחֲמָנָא כַּתְבִנָּן בְּסִפְרָא דְפַרְנָסָתָא טַבְתָּא וּמְזוֹנֵי טָבֵי, בְּדִיל וַיַּעֲבֹר

עד כאן מוסיפים בעשרת ימי תשובה

רַחֲמָנָא כְּבֹשׁ חֶמְתָּא וְרֻגְזָא מִנָּן, בְּדִיל וַיַּעֲבֹר

רַחֲמָנָא לָא תַעְבֵּיד גְּמִירָא לָן, בְּדִיל וַיַּעֲבֹר

רַחֲמָנָא מְחֹל וּשְׁבֹק לְחוֹבִין וְלַעֲוָיָן, בְּדִיל וַיַּעֲבֹר

רַחֲמָנָא נְהוֹר טוּבָךְ אַנְהַר עֲלָן, בְּדִיל וַיַּעֲבֹר

רַחֲמָנָא סְעִיד וּסְמִיךְ הֱוֵי לָן, בְּדִיל וַיַּעֲבֹר

רַחֲמָנָא עֲבֵיד עִמַּנָא אָתָא לְטָב, בְּדִיל וַיַּעֲבֹר

רַחֲמָנָא פְּתַח שְׁמַיָּא לִצְלוֹתִין, בְּדִיל וַיַּעֲבֹר

רַחֲמָנָא צְלוֹתַנָא קַבֵּל בְּרַעֲוָא, בְּדִיל וַיַּעֲבֹר

רַחֲמָנָא קַבֵּל צְלוֹתִין וּבָעוּתִין בְּעִדָּן עַקְתִּין, בְּדִיל וַיַּעֲבֹר

רַחֲמָנָא רַחֵם עַל נִשְׁמָתִין, בְּדִיל וַיַּעֲבֹר

רַחֲמָנָא שַׁתָּא טַבְתָּא אַיְתֵי עֲלָן, בְּדִיל וַיַּעֲבֹר

רַחֲמָנָא תּוּב מֵרֻגְזָךְ, בְּדִיל וַיַּעֲבֹר

רַחֲמָנָא וְלָא נֶהְדָּר רֵיקָם מִן קַמָּךְ, בְּדִיל וַיַּעֲבֹר