Ҡайтам

Йылдар үтһә лә, һыуҙар аҡһа ла

Көтәлер һаман, ғәзиз еркәйем

Ел-ямғырҙарҙа, ҡар-бурандарҙа

Тыуған яҡтарға һуҡмаҡ эҙләйем

Ышаныс менән һиңә атлайым

Ғәзиз еремә, елға-күлдәргә

Һиннән яҡынраҡ ерҙе белмәйем

Һары һағышҡа нисек түзәргә

 

Тыуған тупраҡ тарта

Ҡайтам, һиңә ҡайтам

Ҡайтам, мин ҡайтам

Тыуған яғыма

Тыуған яғыма ҡайтам

 

Ҡабул ит мине, тыуған еркәйем

Һиңә ҡайтамын йыраҡ илдәрҙән

Бәхет тапманым мин сит-ят ерҙәрҙә

Йәш тамсылары минең күҙҙәрҙә

Ышаныс менән һиңә атлайым

Ғәзиз еремә, елға-күлдәргә

Һиннән яҡынраҡ ерҙе белмәйем

Һары һағышҡа нисек түзәргә

 

Тыуған тупраҡ тарта

Ҡайтам, һиңә ҡайтам

Ҡайтам, мин ҡайтам

Тыуған яғыма

Тыуған яғыма ҡайтам