السوافي - مانع القناص

احييت فيني قلب ميت من اسنين ومن اول تسفي عليه السوافي

القلب ميت والمشاعر مساجين وقمر هوايه في سما الحب طافي

عن حب كل البيض كنا معيين ليني صدفت اللي جماله خرافي

اللي عيونه يسحرون المحبين من شاف عينه مايشوف العوافي

وجبرني ارجع للهواء كامل الزين اللي جديله فوق المتان ضافي

اللي جماله يسحر القلب والعين زينه على كل المغاتير نافي

انا اشري منك الحب كانك تبيعين وابادلك حب شريف وصافي

حب مامثله مع جميع المحبين وابقي لحبك طول الايام وافي

وكانك من حبي والموده تنوحين انا جروحي بالضماير خوافي

وكانك عليه بالموده تغلين دايم يسبب التغلي تجافي