جمرة فراقه - يوسف شافي

الصاحب اللي وارثن ماكر الجود ساس الكرم راعي الكفوف النديه

في غيبته كاني مع الحزن موعود تبكي عيوني والمدامع سخيه

ياعين هلي وانثري دمع بركود على الذي ذكراه فالقلب حيه

اقفت ضعونه واودع القلب ملهود جمره فراقه حطها في يديه

ليت المحبه حبلها دوم ممدود وليت الليالي في عطاها مديه

ليت الجفا بابه على طول مسدود وليت الاماني بالمواصل وفيه

مير البلا واقف على بابه جنود ولا لي عليه اليوم روحه وجيه

يفوح ذكره ريح مسك وكمبود ريحا يداعب نسمه الشوق فيه

الصبر دايم له مواقيت وحدود وياويل صبر اللي عيونه شقيه