Elkhad Alashgar

لي باللواحظ رماني .. وفي بحر شوقه خذاني

ياني بتالي زماني .. والفكر به تاه وابحر

هز التوازن حضوره .. من شافت العين نوره

سلّمت والشور شوره .. لاخذ ولاعطي ولاقدر

سلهم وضيّعت ردي .. بعيون فيها تحدي

ومن لامس الخد خدي .. خدي بخده تخدر

عطره وطيبه شذاني .. وعطّر عليّ المكاني

وحرّك شجون اتزاني .. أفوق بالطيب واسكَر

خذني بتيه الموده .. مابين جزره ومده

والي خذه ليت رده .. قلبٍ من الضلع لايسر

من ينظره من يشوفه .. اتشب ناره فيوفه

تفرك يدينه حسوفه .. وفيه العواطف تكسّر

ماخذ وصوف الدماني .. خفه وعود اللياني

وخدٍ من القيحواني ..امشرب اللون واشقر

فيه الغنج واللطافه .. وفيه الصبا والترافه

ومعزّلاتٍ انصافه .. عوده شرا الموز لخضر

له النحر مايخفّى .. الماس غالي مصفّى

يوم التفتلي وقفّى .. عليه الله واكبر

 

ماحس قلبٍ يحبه .. يومه علَق وانتشبّه

عاف العذارى عسبّه .. وغلاه فالروح يكبر