Көбелектің әні

Отына махаббаттың аз емес қой күйгендер.

Сүйсе де қанша шүбәсіз..

Өмірде жетіп жатыр қосылмаған сүйгендер,

Махаббат бірақ кінәсіз...

Жүрегің жүрегімді тыңдамады білемін,

Сонда да үміт үзбедік.

Көбелек ғұмырымның, өмірімнің гүлі едің,

Табалмай қалдым күз келіп.

Көбелектің әні!

Есіңде ме әлі!

Саған айтқан кетерде!

Отқа күйген жаны!

Көбелектің әні!

Жүрегіңе жетер ме?

Іздейді махаббатын ғашық жүрек сағынып.

Күндерді аңсап керемет.

Күн шығар,жабырқаған жалғыздықтан арылып,

Көктемге жетер көбелек.

Есіме ораласың сағындырып әр күні,

Таң атар тағы түн батып.

Мың гүлге қонғанымен, көбелектің тағдыры,

Бір гүлден табар шын бақыт.