Tareekh Masyoun

يـامستمع للقول وقـف لك شـوي

وقـف لنقـوة ماخلـق رب هالكــون

هزاع لي طيبه شرا السيل يروي

زايـد بزوده عـن كـرامٍ يزيـدون

كفو الصنايع ذايع الصيت ياحي

عز وفراسه وعلم يبطون يحصون

كل البشر ماتختلف انك الضي

يستبشرون بذكر اسمك ويهنون

والطير يتمتع اذا انت تدعي

مايرد خايب بالنواميس مفتون

شمس السعاده سيدي وين تلفي

وغروبها من وين انتوا تقفون

منك السياسه تعلمت كيف تمضي

وترقى بفكرك فوق مرضوف لمزون

والعين ابطت باسمكم كم تغني

هزاع بن زايد لها در مكنون

حتى الظبا فيها بأسمك تلبي

تنده بأسمك ياشغف كل مزيون

في مدحكم لبيات ماتنطلب تي

تصطف تتمنى عسى باسمك تكون

تفخر بمدحك يالفخامه وتزهي

كل القصايد ياسلالة هل العون

وكل القصايد والشعر مايوفي

حقك ولك ياشيخ تاريخ مصيون