الفرحه فرحتنا (من مسلسل ٨٠ باكو)

أيوة أيوة أيوة

والنبي أجدعان أي حد عنده شلوشة أو حميشة

يحطها في جيب التيخا ويكرمشها

عشان الدنيا بايظة

أتيخا لم نقطتك ويلا بينا نخربها

خش أفيجو أدخلاوي

(فيجو الدخلاوي)

الفرحة فرحتنا

والحتة حتتنا

يعني إحنا براحتنا

وليلتنا هنولعها

مبروك يا قلب أخوك

كلنا جينا نجاملوك

لازم نرقصوك

لازم نعمل دوشة وقلبان

إيه اليوم الجامد ده يا جدعان

أنا شايف التيخا فرحان

وفي عين أحلى عروسة شايف فرحة كمان

إنتو صبرتوا كتير لكن نلتوا

وشقيتوا وياما تعبتوا

إوعوا تضيعوا تعبكوا إنتم عرسان

ملكة جمال جيلها

أنا مش شايف غيرها

وفي قلبي أنا هشيلها

وأحكيلها بحبها قد إيه

دي البسبوسة بتاعتي

دي السنيورة عروستي

جوايا كلام ياما قلته

ولازم وإنتي في حضني أحكيه

من كتر الفرحة بجد أنا طاير

والله مبسوط عالآخر

وإخواته فرحانة من أجله وعاملين موضوع فاجر

الليلة فرحة تيخا الدلوعة

تيخا هيخش الموسوعة

من كتر جمال الليلة الناس كلها مفجوعة

فرحة التيخا

فرحة التيخا

فرحة التيخا

ولعها يا تيخا

ولعها يا تيخا

ولعها يا تيخا

بصوا الصراحة أجدعان

الواد ده بقى My man

ولبستله الفستان

والحلم بقى حقيقة

إوعدني وعد أكيد

ما تكونش عني بعيد

من غيرك أنا وحيد

إوعي تسيبيني دقيقة

أنا تمام إنتو إيه الكلام

أنا خطبت وخصمت الحرام

الليلة دي ليلتي أنا واخد مساحتي

مجعبد خالص في الغرام

جيبي فاضي وعايش على الله

مش معايا حاجة ومش معسف

راميها عليهم وكله جايلي

مجاملة ونقطة وواجب

لمي الموضوع ياما

ليه تفركشي اللمة

إبنك خلاص كبر

بقى عريس قمر قد الدنيا

والليلة دي ليلتي

لازم تبقي جنبي

والحمد لله خدت اللي أنا

مرتاحلها وطبعها شبهي

وطبعها شبهي

فرحة التيخا

فرحة التيخا

فرحة التيخا

ولعها يا تيخا

ولعها يا تيخا

ولعها يا تيخا