Canciones similares
Créditos
PERFORMING ARTISTS
Miljö
Performer
COMPOSITION & LYRICS
Mike Kremer
Composer
PRODUCTION & ENGINEERING
Mike Kremer
Producer
Alex Kloss
Mastering Engineer
Letras
Mer verbingk, weed jetrennt
Fingk sich widder, weed sich fremp
Löß sich immer widder loss
Mer schwaade jroße Saache klein
Leev jemeint un doch jemein
Han et vürher nie jewoss
E halv Laache em Jeseech
Wie ne Indianer kriesch
Su es jeder ungerwääs un söök si Jlöck
E halv Laache em Jeseech
Fäch et all unger dä Desch
Kumm, mer jonn widder e janz klei Stöck zoröck
Doch et jitt einer, dä dich unendlich leev hät
Un wenn 100 Minsche kumme, 99 widder jonn, dann bliev ich stonn
Dä Eine, dä dich unendlich leev hät
Mer sin frei, fleeje huh
Sinn d'r Welt unge zo
Immer wigger bes zum Rand
Doch, wat flöch, kütt eraff
Weiche Landung nit jeschaff
Flöjel aan d'r Sunn verbrannt
E halv Laache em Jeseech
Wie ne Indianer kriesch
Su es jeder ungerwääs un söök si Jlöck
E halv Laache em Jeseech
Fäch et all unger dä Desch
Manchmol drage mir ne Schoh, och wenn hä dröck
Doch et jitt einer, dä dich unendlich leev hät
Un wenn 100 Minsche kumme, 99 widder jonn, dann bliev ich stonn
Dä Eine, dä dich unendlich leev hät
Probeeren et immer widder
Immer e Stöckche wigger, sulang uns nix häld
Doch dann duurt et nit mih lang
Un mir stonn ald widder janz am Aanfang
Doch et jitt einer, dä dich unendlich leev hät
Doch et jitt einer, dä dich unendlich leev hät
Un wenn 100 Minsche kumme, 99 widder jonn, dann bliev ich stonn
Dä Eine, dä dich unendlich leev hät
Doch et jitt einer, dä dich unendlich leev hät
Writer(s): Mike Kremer
Lyrics powered by www.musixmatch.com