Аныяктар

Аныяктар чыглып алгаш

Арагалап, таакпылап

Үүлгетпес чүвези чок

Үе кончуг апарган-дыр!

Олар-биле кады хөглээр

Омак-хөглүг аныяк оол мен:

Кыдыг черден харап көөрге,

Кыпсынчыг-ла салым-дыр бо!

Үүлгедиглер, мегелерни

Үе боду негеп келген -

Шыны херек делегейде

Шынчы чүрек чогум бар бе?

Эргелиг чаш шынчы чүрек

Эвээжээни хомуданчыг

Оларларның чаңгызы бооп

Омак-хөглүг чурттап көрзе!

Сагыжымның дүвүрелин

Силерлерге сөглеп ор мен:

Кажан шагда үе кээрге

Кайда шынын билип кээр бис?!