روحي فدا له

مترف وزايد، مترف وزايد جماله

يا حلاه ويا دلاله

صاب قلبي منه نظره

يا عسى روحي فدا له

كلّ ما شفت ابتسامه

زاد في قلبي غرامه

هو ضيا ليلي وبدره

واتأمل في كلامه

واتأمل في كلامه

لو حكى والصوت هادي

صوت ما هو صوت عادي

ينعش احساسي بنبره

سارقٍ مني فؤادي

في لقاه البال رايق

كنّ ساعاته دقايق

مبعدٍ همّي بكبره

وابتسم لو كنت ضايق

قربه، قربه وشوفه غناتي

بُعده، بُعده الحزن وشتاتي

فيني اليا غاب عبره

مرّه تْنكّد لي حياتي

مقدر أزعّل كيانه

همّي رْضاه وأمانه

وإن زعَل أو ضاق صدره

أزعل الدنيا عشانه

شوق قلبي ما هدا به

كيف لو طوّل غيابه

حالتي لا غاب خطره

واحد وماله مشابه

عشقنا دام بوفانا

نترك الحاقد ورانا

ينقهر ويموت حسره

ما يأثر في غلانا

راسمٍ فالقلب رسمه

حظّ قلبي له وقسمه

ما بقى فالدم قطره

تجري الا له ولإسمه

قربه، قربه وشوفه غناتي

بُعده، بُعده الحزن وشتاتي

فيني اليا غاب عبره

مرّه تْنكّد لي حياتي

مقدر أزعّل كيانه

همّي رْضاه وأمانه

وإن زعَل أو ضاق صدره

أزعل الدنيا عشانه