Ich sprech Kölsch

Steit mr op dr Friesestross en der letzten Zick Hüürt mr nur noch Frembsproche, süht feinjemaate Lück Jo Kölle es en Weltstadt jetz un internäschenel Doch ich saach et stolz zu jedem, dä et hüre will Ich sprech Kölsch leeve Jung Han et Hätz op dr Zung Dat versteht mr he am Rhing Wat de Mamm m'r beijebraat Wie dr Papp de Schnüss jeschwaat Jeiht mir nie, jo nie mih aus dem Sinn En dr Schull do fing et ahn met dem Kauderwelsch Englisch, Griechisch un Latein, lauter su Jemölsch Alles en dä kleine Kopp, wat sin muß, dat muß sin Doch wenn et ens nit wigger jing fiel mir dat Leed he en Als die Schullzick wor vorbei, kom ich en de Lier Alle sprochen Hochdeutsch, keiner Kölsch mih außer mir "Mit den Kunden spricht man Deutsch" saat dr Chef zu mir Doch ich saat nur "Lieber Mann, ich kann doch nix dofür"