Şəhidlər

Yatın bu dağ sinəsində, şəhidlər Sinəmizdə çarpaz dağa döndünüz Qış gecəsi, zülmət ilə döyüşdə Gur məşələ, şam, çırağa döndünüz Nə gördünüz məkrli yer üzündə Kül oldunuz alovunda, közündə Anaların, bacıların gözündə Qan qarışıq bir bulağa döndünüz Anaların, bacıların gözündə Qan qarışıq bir bulağa döndünüz Ölməyəcək yaralanmış bu məslək Məzarınız təpə-təpə al çiçək Doğuldunuz bu torpağın eşqitək Şəhid kimi bu torpağa döndünüz Doğuldunuz bu torpağın eşqitək Şəhid kimi bu torpağa döndünüz Qanımızda kükrəyəcək odunuz Qızıl qanla qara ləkə yudunuz Azadlığa dastan olmuş adınız Bu kitabda min varağa döndünüz Qan içənə bildirərik həddini Dağıdarıq mənəmliyin səddini Qoy xalqımız düzəltsin öz qəddini Yenilməyən bir bayrağa döndünüz Nə gördünüz məkrli yer üzündə Kül oldunuz alovunda, közündə Anaların, bacıların gözündə Qan qarışıq bir bulağa döndünüz Anaların, bacıların gözündə Qan qarışıq bir bulağa döndünüz Ölməyəcək yaralanmış bu məslək Məzarınız təpə-təpə al çiçək Doğuldunuz bu torpağın eşqitək Şəhid kimi bu torpağa döndünüz Ölməyəcək yaralanmış bu məslək Məzarınız təpə-təpə al çiçək Doğuldunuz bu torpağın eşqitək Şəhid kimi bu torpağa döndünüz Doğuldunuz bu torpağın eşqitək Şəhid kimi bu torpağa döndünüz