ទេពធីតាក្នុងសូបិន

យប់នេះដួងច័ន្ទ ចែងចាំងរស្មីអឺយ ចម្លែក

ធម្មជាតិក៏ប្លែក ខុសពីធម្មតា

ជំនោរបក់មក ក្រអូបក្លិនផ្កា

ថ្នាក់ថ្នមដល់ដួងចិន្ដា

កើយហត្ថាទន់ត្រជាក់

យប់នេះគឺយប់ ដែលរៀមមានភ័ព្វអឺ វាសនា

ជួបទេពធីតា ដែលចិត្តជំពាក់

បើកភ្នែកឃើញច្បាស់ សម្រស់ដួងភ័ក្ត្រ

ថាពិតជារូប វរលក្ខណ៍

ជឿជាក់មិនមែន សុបិន

រៀមបាន លើកហត្ថ ថ្នាក់ថ្នមរាងកាយ

ចិត្តឥតមាន នឿយណាយ

ហាក់ដូចជួបឋានព្រះឥន្ទ្រ

នាសាខំស្រង ខំស្រូបយកក្លិន

ផ្កាអ្វី ក៏មិន

ក្រអូបដូចក្លិន កល្យាណ

ពេលរៀមភ្ញាក់ឡើង ដឹងខ្លួនស្រវាអឺ រកស្រី

រាត្រីក៏ក្លាយ ជាក្ដីខកខាន

រសស្នេហ៍ស្រមោល ដែលចាប់មិនអឺ បាន

សុបិនបានវង្វេងឋាន

បានជួបតែស្នេហ៍ឥតន័យ