القليت

يا ندي الخد قلبي منك ضامي

شوف لي صرفه تراني ما قويت

شالنظر في خافقٍ له حول عامي

ما سلاك ولا يواحي لو سليت

إن غفيت أراك في لذّة منامي

ويتراوالي خيالك لو صحيت

يا عبيّ الحيب ،،،،،، يا عنق الريامي

هات لو ربع الحقوق اللي خذيت

—————————————————————

إهتمامي و إندفاعي و إحترامي

للعيون اللي دعنّي حي ميت

شفت فيك أشيا على عكس النظامي

ثلج في خاتم لهب كيف؟ إحتويت

والشعور اللي يوقض جرح دامي

بعت شرايٍ و بيّاع إشتريت

في ركود » و « مرّه التيار طامي

لا تنحّرت الهبوب ولا رسيت

————————————————————

طحت في غبّة عرب هانوا مقامي

عندهم سعر الذهب مثل القليت

كل ما شجّع خفوقي عالمشامي

إندفع دفع الشجاع المستميت

من غلا عينك أعدييييييك الملامي

وأتقبّل أي عذرٍ به لفيت

الهوى ما فيه سبع ولا قطامي

من تعالا طاح وإن طحت إعتليت