Se Nowèl

Se tout moun kap tann

Ke jou sa rive

Tout vyolans sispann

Pèsòn pap kriye

Gen un an deja

Nou gen tan bliye

Ke tan sa te la

Pou fè nou chante

Sa l ye

Refren:

Se Nowèl, Se Nowèl, Se Nowèl! (4)

Fòk ou louvri kè w

Bay lanmou pase

Pa bliye malè w

Menm si w padone

La vi a de fwa

Fè de kout volan

Ki fè w fè dè chwa

Ke kè w pa kontan

Men sa w vle

Refren:

Se Nowèl, Se Nowèl, Se Nowèl ! (4)

Gen w mache prese

Fòk avan minwi

Tout kado achte

Pou tout la fanmi

Menm si w pa konprann

Ki sa wap fete

Kè w li menm lap tann

Ke minwi rive

Ann ale

Refren:

Se Nowèl, Se Nowèl, Se Nowèl ! (4)

Se bon lè pou n reve, ki sa nou swete vre

Se Nowèl, Se Nowèl, Se Nowèl !

Lari yo netwaye, kay yo byen pentire

Se Nowèl, Se Nowèl, Se Nowèl !

Reveyon tout kote se tout moun kap fete

Se Nowèl, Se Nowèl, Se Nowèl !

Padone mechanste simen fratènite

Se Nowèl, Se Nowèl, Se Nowèl !