IiTii

Uf däm Planet füut me d Stiui mit nütige Wort

Me vergisst wi me lost was ir Rueh ligt

S wär eigentlech e friedlichen Ort

Aber si rede lutt u gärn anenang verbii

U dä wo nüt weiss, tuet eifach mau so

Aus wüssti är e chli meh

S gitt viu a der Spezies woni nid verstah

Si hänken a aues es Prisschiudli dra

Wei immer meh u nähme geng meh

Immer meh meh bis nümme meh

I bin e Iitii - i bi nid vo hie

Bitte bitte holet mi wider ab

Schicket das Ufo, wott nume no furt vo hie

Bitte beamet mi ufe - i bi parat

I ha probiert ds Schnuufe

Aber d Luft wird mer hie eifach z dünn

I luege i Himu ufe

U hoffe dass mi gly öpper fingt

I gibe Zeichen, i winken,

I rüefe so luut win i cha

U bi jedem Lüüchten im Dunkle

Hoffen i: jetzt sy si da!

S gitt viu a der Spezies woni nid verstah

Ire Planet hett e Zyttzünder dra

U gliich wei si geng meh, nähme geng meh

Immer meh meh bis nümme meh

I bin e Iitii - i bi nid vo hie

Bitte bitte holet mi wider ab

Schicket das Ufo, wott nume no furt vo hie

Bitte beamet mi ufe - i bi parat

Verchouf di guet

Zeig wo d überau scho bisch gsy

Tue geng so aus chämtisch du druus

U wärsch vou derby

Louf eifach mit

Nie quer u nie hingertsy

De passisch hie beschtens dry

De passisch hie beschtens dry

I bin e Iitii - i bi nid vo hie

Bitte bitte holet mi wider ab

Schicket das Ufo, i wott nume no furt vo hie

Bitte beamet mi ufe - i bi parat

I bi parat