(ប្រុស)ជ្រុះបាត់បេះដូងមិនដឹងទៅណា ?

បងសង្ស័យថាជីវាអូនអ្នករើសទុក ដើររកអស់ហើយគ្រប់កន្លែងកន្លៀតកន្លុក

សង្ស័យអូនរើសទុកដាក់ក្បែរបេះដូងអូនទេដឹង?

(ស្រី)បេះដូងខ្លួនឯងមិនចេះទុកដាក់

ដើរជ្រុះផ្ដេសផ្ដាសកោតមកសួរខ្ញុំអ៊ីចឹង

បងកុំមកចោទតិចផ្កាប់មុខត្រង់ភ្លឹង មុខដូចខ្ញុំហ្នឹង រើសបេះដូងយើងមកធ្វើអី?

(ប្រុស)មុខអូនដូចសមនឹងបងដល់ហើយ

បើមើលពីក្រោយអូនអ្ហើយសមនឹងបងសឹងអី បើមិនប្រកាន់បងសុំឆែកទ្រូងបានទេថ្លៃ បងសង្ស័យស្រីយកបេះដូងបងដាក់ក្នុងបេះដូងអូន

(ស្រី)សម្តីនិយាយឈ្លើយណាស់បង ឬដៃចង់ពាក់កងឬបងពាក់ខ្សែក ចង់បាយក្រហមឬក៏បងចង់ញុំាបាយស? មាត់ចង់ញុំាម្លូឬក៏ចង់ញុំាភ្លៅមាន់?

(ប្រុស)កុំខឹងបងនិយាយលេងទេពៅ

(ស្រី)បងឯងលេងមិនត្រូវសម្ដីអត់មាយាទ

(ប្រុស)បងសុំឈប់ហើយ តែបងសុំញ៉ែអូនគ្រប់ជាតិ

(ស្រី)ញ៉ែឥតរបៀប ញ៉ែប៉ុន្មានជាតិទៀតក៏មិនស្នេហ៍