Тұсау кесер

Балдай тәтті қылығың жарық еткен үйіңді,

Қуанышты тойыңа игі жақсы жиылды.

Тұсауыңды кесетін, ала жіпті шешетін,

Ең ғажайып сәтті күн - бүгін міне бұйырды.

Тәй-тәй басшы, балақай,

Біздегі сол бір үміт.

Кетерсің-ау алақай,

Ертең өзің жүгіріп.

Тәй-тәй басшы,талпыншы,

Қадамыңды нық қылып.

Еңбектеуің қалсыншы,

Аяғыңнан тік тұрып.

Қадамыңнан айналдық алға қарай талпынған,

Сенің әрбір қылығың қымбат байлық, алтыннан.

Тұсауың да кесілді, ала жіп те шешілді,

Қабыл болсын ақ бата алған бүгін халқыңнан!