Kakteäzüchter

A alles wo piikset

A alles wo schtachlet

A alls wo dezueschtaht

Und nume blöd lachet

Me pfiifts vo de Dächer

Tuschlet i de Näschter

Me gsehts i de Gsichter

Und i allne Medie wird drüber brichtet

A alli wo säged

Me müesis doch säge

Lueg wie si sich gmacht händ

Da isch öppis gange

A die mit de Schtöpsel

Wo uf öppis warted

Oder wäg de Trychle

Gar nid verschtah chönd

Dass d Kakteäzüchter vo de ganze Wält

Ihrne Kakteä morn en Gutsch Wasser gänd

Die wo numeno mached

Was' würkli wänd mache

Si baded im Trinkwasser

Und läbed im Briefchaschte

Si säged all s Gliiche

Mir mached so wiiter

Und mir fiireds wie Siiger

Mir fiireds wie Siiger

Dass d Kakteäzüchter vo de ganze Wält

Ihrne Kakteä morn en Gutsch Wasser gänd

(Det wone Wulche am Dach hangebliibt)

(Det wo dir din Name'n e Chance nimmt)

Si säged all s Gliiche

Mir mached so wiiter

Und mir fiireds wie Siiger

Mir fiireds wie Siiger

(Aber scho bald es Lauffüür, en Flächebrand)

(Vo Mund zu Mund, dur s ganze Land)

Zersch nume liislig

Und dänn immer lüüter

Zersch mit me Zwinkre

Und dänn ganz düütlich

(Di einte händs doch scho immer gseit)

(Me heig sich da doch es Ei gleit)

Und gsehsch wie si fiired

Da uf de Schtrasse

Lueg wies etz fiired

Überall uf de Schtrasse

Will d Kakteäzüchter hüt beschlosse händ

Dass Kakteä im Grund gno gar kei Wasser wänd

Will d Kakteäzüchter hüt beschlosse händ

Dass Kakteä im Grund gno gar kei Wasser

Gar kei Wasser wänd