عملت ايه يا زمن

‎عملت ايه يا زمن تخلى اليد

‎محتاجه

‎وانا الى كان خيرى مخلى يدى محتاجه

‎وضاع خيرى على غيرى

‎ من غير ما قول حاجه

‎وكل ما نسى واقول

‎اهو نسى المعروف

‎اسمع مثل بيقول ابن الحرام مخلاش لبن الحلال حاجه

فيه ناس عايشه ما عارفه الصح م العيبه

وناس مريضه بداء الحقد والغيبه

وناس قلوبها حجر ولا تعرف الاحساس

وناس بتأذي الناس وتمثل الطيبه

////////

ياللي كنت ف يوم شاريكم

بعتكم وخسرت فيكم

وحبتديها من جديد

دانتوا افعالكم غريبة

والخسارة لو قريبة

أحلى من مكسب بعيد

والطمع دايماً ماليكم

خدتوا مال الدنيا ليكو

بكرة تمشوا وهتسبوني

والمبادئ بتبعوها

والأصول فجأة نستوها

واللي منكوا بتجرحوه

واللى فاكر نفسه حاجة

عايزه بس يقولى حاجة

راح يدوق مر الكلام

دانتوا واجب تشكروني

وبالصحافة تكرموني

هنقول ايه ناقصين علام!

هيا كلمة ومش هكتّر

السماح مع ناس تقدر

من صراحتي متزعلوش

لو نسيتوا انا لسه فاكر

كل يوم بكتب واذاكر

والرخيص مبغليهوش

ألف شكر للظروف والأيام خلتني اشوف