Сез мине әрнеми дисезме?

Елмаеп көлсәм дә,

Йә дәшми түзсәм дә,

Миндә дә шул ук бер хис инде...

Бигүк сер бирмәгәч,

Зарланып йөрмәгәч,

Син мине әрнеми дисеңме?

2.Көннәрем көз кебек,

Көз кебек сарыда-

Сагышлар сарыла жаныма.

Тыялмам хисемне,

Дулармын шикелле,

Хисләргә бирелсәм аз гына.

Зарланып йөрмәсәм,

Бигүк сер бирмәсәм,

Син мине гамьсез дип тиргәмә.

Язмышлар бер булгач,

Сагыш та бер инде-

Шул ук бер хис кем дә.