អាឡេវឆ្លើយឆ្លង

ផ្កាស្រស់ ក្រពុំ

ឃ្មុំឡើង ក្បាលទឹក

ជំនោរ កត្ដិក

បក់មកសែនត្រជាក់

ចិត្តបង បារម្ភ

នឹងស្រស់វរលក្ខណ៍

ខ្លាចតែ នួនអ្នក

ស្រីអូនប្រែចិន្តា

បងកុំ គិតច្នោះ

ប្រុសឆ្នើម ម្ចាស់ថ្លៃ

ខ្លួនអូន ជាស្រី

គ្មានកែប្រែចិត្តសាវា

រេដូច ចុងស្រល់

បងកុំ សង្កា

អូនបាន ប្តេជ្ញា

ផ្ញើកាយលើបង

បងសែនរីករាយបើដួចវាចា

បងក្រ យ៉ាងណា

ក៏អូននៅតែស្នេហ៍ស្នង

អូនអើយ បើបានមកជាគូគ្រង

ទោះស្លាប់ក៏បង

ស្លាប់ទៅទាំងបិទភ្នែកជិត

ពេលឃើញ បងភ្លាម

ចិត្តអូនចម្លែក

អូនល្អ គាប់ភ្នែក

ឱ្យបងស្ទើរលង់ជីវិត

តែបើ ជាតិនេះ

មិនបានស្នេហ៍ស្និទ្ធ

សូមបង កុំគិត

អូនពិត ជាស្នេហ៍

បងរង់ចាំអូនដល់ផ្ការាំងទុំ

មុំអើយ! អឺយមុំ

សូមអូនកុំបែរ

អូនស៊ូ រង់ចាំ

ទោះរយឆ្នាំខែ

សូមតែប្រុសបង

កុំបោះបង់អូនអឺយ!