喜靈州自嘆

（有好人唔做就學古惑 好追唔追學追龍

而家畀拉咗去喜靈州嘞 有排慘咯）

噚日入到去 心都碎 皆因啲粉癮衰啫

肥婆入去探我 嗲幾句 質包煙仔我收咗佢咯

晚晚返倉 三飛又點夠隊呢

老同就教我 講呢一句 有乜辛酸都忍咗佢喎

唉 成日戇居居 踎喺倉裏 癮起即刻標眼水

阿SIR窒兩句 跟住質幾嘢 我都good聲吞咗佢嘞

晚晚返倉 沖身都無水

老同又教我 講呢一句 就算乾煎都忍咗佢嘞

懷念過去 我識咗小翠 送咗包粉畀我追喎

嘩 原來係咁過癮 好興奮 結果天天都想搵佢嘞

晚晚去賓館 嘩 雙雙鴛鴦戲水

連隨就上癮 真係嬲死佢 就去賓館扑濕佢

唉 時時悶到震 想返出去 見到所長我咿起個嘴

連隨跪下佢 跟住鞠躬畀佢 想話早啲歸家去

以為放假去happy 喺night club玩下女

牌頭係無變 始終嗰句 似隻死狗返出去

（近朱者赤 近墨者黑

好似我咁 識啱班粉友 有乜法子唔死吖

你哋干祈唔好學我呀）