បងផ្ញើកូនផង

ស្រណោះខ្លួនណាស់ ណាម្ចាស់ស្នេហ៍អឺយ

រកស្នេហ៍ឃើញហើយ

តែស្នេហ៍អឺយ! កំពុងរៀបការ

បងគ្មានអ្វី ក្រៅពីទឹកនេត្រាចងដៃជីវា

បញ្ជាក់ប្រាប់ថានៅតែអាល័យ

យើងស្រលាញ់គ្នាមិនបានជួបគ្នា

ដូចមានកម្មពៀរ

បងក្លាយជាសាច់ថ្លៃទៅវិញ

តែអនិច្ចា ស្ទើរតែហា៎មិនចេញ

សែនទុក្ខទោម្នេញ

ភរិយាសម្លាញ់ លាលោកទៅហើយ

វិលមករកស្រី

ស្រាប់តែឮភ្លេងលេងចងដៃ

បងសល់អ្វីជីវិតរស់នៅ

កូនអើយ ហៅគេថាម៉ែ ម៉ែទៅ

កូនកុំនឹកឪ

ឪលាហើយ លាហើយណាកូន

បងផ្ញើកូនផង ណាមាសបងអើយ

បងសូមលាហើយ

លាឆ្ងាយហើយ លាមួយជីវិត

សត្វបាក់ស្លាប ធ្លាក់ពេលមេឃងងឹត

ឱ!ព្រហ្មលិខិត

ម្តេចគ្មានអាណិត

ឱ្យឃ្មុំព្រាត់ផ្កា